أقل مايقال حول "مايسمى بصيانة الحدائق بالمحمدية" هو كلمة : " حشومة"
أضيف في 10 يناير 2013 الساعة 54 : 00
أقل مايقال حول "مايسمى بصيانة الحدائق بالمحمدية" هو كلمة : " حشومة"
الجزء 2/3
الخميس 10 يناير 2013
نواصلوا باذن الله وبكل حياد ومهنية وواجب اللي كيمليه علينا ضميرنا تجاه المشاكل اللي كتتخبط فيها الساكنة تاع المحمدية ولاجلو نشأنا هاذ الجريدة ..اذن نواصلو حديثنا في الجزء الثاني هذا تاع حال الحدائق بالمحمدية كل هذا فقط فجوج كلمات .
حديقة المنظر الجميل
نبداو اليوم بحيقة ماتسمى " المنظر الجميل " او لغويبة كي كيتقال ليها ..اش من حديقة هاذي انا كنقول هي الكارثة هي الفضيحة هي الضحك على الذقون هي التنصل من المسؤولية هي الاهمال بعينه .
اللي ماكيتفهمش والسؤال العريض : ماهو دور القسم المتخصص في شان الحدائق بالمحمدية ؟ اش كيديرو ؟ اش كيفعلو؟ شكون هما ؟ شحال ديال الميزانية كيصرفو لما هو مكتوب في الاوراق : ميزانية الصيانة ؟ ولينا كلام طويل ومفصل بهاذ الموضوع ، اذن هاذ الناس الساكنة باغا تعرفهم ؟
حديقة مسجد الرضوان
....(شاهد الروبرطاج).. كنتواجدو بحديقة مسجد الرضوان اكبر المساجد بالمحمدية مسجد اللي نقول الله يجازي اللي بناه ولكن مانقدرش نقول الله يجازي اللي المفوض ليهم شان الصيانة بالحدائق و اللي هاملين الحديقة اللي جنبو ...حشومة ...عيب ...عار ، اش هذا ثاني؟ نكررو الاسطوانة ثاني .. حديقة بدون حارس لاانارة لاصيانة لاكراسي في المستوى لامراحيض لا ورود لازهور ..حديقة في مكان استراتيجي اوا جاوبو الساكنة يامسؤولين واش صايمين على الكلام..؟ حيدو لقطن مرة وحدة وسمعو اش كيتقال :
حديقة 18 نونبر
حديقة 18 نونبر حديقة صراحة في المستوى وتستحق فعلا اسم حديقة علاش لانها مفوضة لشركة كتعتني بيها ، جميل ...اوا المراحيض اللي مجهزين باحسن مايكون وماخدامينش ..علاش ؟ كتبو ورقة حداهم وقولو للساكنة علاس نتوما سادينهم ولا هاذي ماكدخلش في الشفافية والوضوح والتبليغ ، اوا قولو للساكنة المراحيض مادايزش ليهم الماء ومن زمان سنوات وسنوات ..اذن قولو للناس المجلس تاعنا عجز يدخل الما لمراحيض لحديقة جات في مكان هام حدا محطات الحافلات...سمعو اش قالو:
