الاربعاء 9 يناير 2013

                                   حال الحدائق بمدينة "الزهور"

                            أي صيانة وأي اهتمام من الجهات المعنية ؟؟

                                            الجزء 1/3

السلام عليكم ولقاء صباحي جديد ضمن جوج كلمات ، وكي ما واعدناكم وشرنا ليه ، تحقيق  حول الحدائق بالمحمدية  ونتحدثو اليوم  ومن خلال ثلاثة اجزاء حول حال الحدائق بالمحمدية  كي دايرا حالتها ، واش راي الساكنة فيها ؟ واش ناهي الجهود " الجبارة" تاع القسم المتخصص  بشان الحدائق بالجماعة تاع المحمدية ؟

في الحقيقة لاجهود  ولا اهتمام كي ما بان لينا وكي ما قالت الساكنة ، عدد كبير وكبير من الحدائق العامة بالمحمدية ونقولوها بصراحة تحولات لاطلال وخراب بسبب تفشي الاهمال وانعدام الخدمات واعمال الصيانة ونقدرو نسميوها اي حاجة الا اسم حديقة ، اوا اش كالو ناس والزائرين لحديقة الحسنية 1 حدا حمام القدس:

 اوا كي ماكنشوفو يامسؤولين  ونقلو ليكم الصورة الا كنتو ماشفتوش وماعرفتوش  باللي راكينا حديقة استراتيجية في قلب الحسنية 1 حي ماهول بالسكان  وعندو زعما " متنفس"  اللي يجلسو فيه  المواطنين  اللي ينفسو فيه ويستنشقو الزهور والورود ..ولكن  لا ورود  ولا زهور ولا مولاي بيه  المسؤولي ( نتاع الحدائق بالجماعة )ماعندهمش الحس بالمسؤولية  اللي واجبا عليهم ايام غ نديرو غ نفعلو غ نتركو ... شوفو في الصورة لا  ربيع   لا وريدات  لاسياج لا عساس لا ضو  .. اوا الساكنة هنا كتقول ع حيدوها وبنيو في بلاصتها عمارة وهنيونا.

 وكنتواجدو دبا في حديقة درب الشباب جنب مسجد درب الشباب قالو لينا هنا هاذ الحديقة بلا عساس الامر جانا عادي لكن الغريب هو انو بيها عساس متطوع  مرة مرة كيقابلها  ويهتم بيها  رجل  ضارباه النفس  على الفضاءات العمومية وماباغي لاريال لاجوج  اوا اش راي خوتنا؟

اذا شوفو الاهمال فحديقة درب الشباب سداري قدو قداش مليوح  طبعا صاحبا المتطوع شحال يقدو  ، اوا فين هي الصيانة ، وفين وفين ، الغريب والعجيب ان هاذ الحديقة  والصغيرة غلبات المسؤولين عليها وهي الوحيدة وسط احياء كثيرة بجنبها ...اوا للا ماكانتش ميزانية لصيانة الحدائق يهزو يديهم ويقولو "الله غالب"  اوا اش نقولو الا كانت الميزانية كاينا وماشي ميزانية سهلة..اوا اشمازال يقولو السكان ؟

                          غدا جزء ثاني منجز حول حدائق اخرى بالمحمدية ..