عدد من قراء محمدية بريس كيعاتبونا على التحقيقات اللي كنجزوا وكتكون بدون ارقام او معطيات وتوضيحات بشانها من المعنيين بها من مسؤولين بالمحمدية ، رؤساء اقسام بالجماعة وبالعمالة تاع المحمدية ، جميل ،نوضحو لقراءنا اليوم وللساكنة ، الامر ماشي بيدينا ،او تهاون منا ، اولا احنا ماكيهمناش رايهم ، ابدا ، احنا كي ما كيتقال مع الراي والراي الاخر ، ولكن الراي الاخر ديما باغي يبقى ضارب الطم ، ولا كاع تكلم يتنصل من الموضوع ويلوحك لقسم اخر ويقول لك هذا ماشي من شأني وماشي اختصاصي سير عند فلان ، وفلان يلوحك لفلان ، وكضيع بيع المكاتب والاقسام والاشخاص وهما تبارك الله شحال كتارعندنا في الجماعة ولا العمالة.
اذن ماتلوماناش الله يخليكم وماتعاتبوناش ، المعلومة ممنوعة في المحمدية بل ومستحيلة ،التعتيم كي ما كيتقال ، بلا مانصدعو راسنا معاهم ، ونطالبو بمعطيات وتوضيحات وارقام باغي يعرفها المواطن ، لكن هما اللي عارفين علاش ، لكن احتا حنا بدورنا عارفين علاش..
لمن فاتته مشاهدة الحلقة الماضية من اللقاء اليومي : جوج كلمات يرجى الضغط هنا
ولمشاهدة باقي الحلقات الماضية يرجى الرجوع الى القائمة الرئيسية
