فين المجلس والبرلمانيين تاع لمدينة من هاذ شي

                         اللي كيشكيو منو الفراشة والتجار بالمحمدية؟

فعلا ، هاذا هو السؤال اللي ولا كيتطرح داب بالحاح فين المجلس البلدي تاع المحمدية ؟وما موقعو من الهدم والرم وشكايات صحاب الفراشة في ساحة مالي حدا الجوطية وفراشة  ساحة القصبة والفراشة تاع زنقة السقاية والجزائر  حدا ديور لكرم؟ ، وفين هما لبرلمانيين تاوع العدالة والتنمية؟ فينك اموسى الغلاض؟ وفينك  يا دكتور سعد الدين العثماني اللي داب وزير الخارجية اللي نجحتو  فدائرة المحمدية وصحاب الفراشة والمواطنين دارو فيكم الثقة وعطاوك صوتهم؟ ،   ايام الانتخابات طفتو لمدينة درب درب زنقة زنقة قوة قهوة كرسي كرسي ناس رحبو بيكم ، صوتو عليكم تسناو عملكم  شهر شهرين .. مرت سنة، ناس هنا كينتاقدوكم ، ولا سؤال واحد طرحتو في البرلمان ، اوا لمدينة هانيا ، مافيها مشاكل ، العام زين ، احنا في المحمدية عايشين مرفهين كلشي خدام ماعندناش المعطلين، كلشي ساكن وماعندناش  احياء الصفيح ، اي منطقة كثيرة بالسكان فيها سوق بلدي  ، جوطيات عندنا كثار وكيبقاو ع خاويين  ولا اثر عندنا في المحمدية لصحاب الفراشة، ههه سبحان الله احنا في المحمدية اللي تاني اكبر مدينة صناعية بالمغرب وكثافة سكانية كبيرة وعندها سوق بلدي وحيد  الالة الجماعة ، داك المشروع تاع التهيئة، مالو  مايكون فيه اهم انجاز بالمدينة اسواق القرب اللي غادا   تنقص او تمحي صحاب الفراشة ويولي كل واحد منظم فسوق بلدي ...  لحديث كثير على مشروع التهيئة والبرلمانين ومشاريع الجماعة ، هاذي كانت عناوين...  لينا كلام وتحليل..

نتلاقاو غدا في الصباح فجوج كلمات وموضوع جديد.

لمن فاتته مشاهدة حلقة امس من اللقاء اليومي : جوج كلمات يرجى  الضغط هنا 

 نلتقي صباح الاثنين في  جوج كلمات جداد